Postais de Nadal

Como vén sendo habitual, este Nadal tamén celebramos o tradicional concurso de Postais.

A participación foi moi alta, sobre todo en Primaria.

As gañadoras foron:

-Primaria: Claudia Poza Barros de 3º A

-Secundaria: Sofía Rodríguez Dávila de 4º

Estas son as postais gañadoras:

Definicións enganosas

Este curso estase levando a cabo unha actividade para todo o centro:

                           

                              "DEFINICIÓNS ENGANOSAS"

Cada semana escóllese unha palabra con tres definicións; só unha é a definición correcta. Os alumnos teñen que escoller a correcta. A final de curso veremos quen foi o alumno que acertou máis definicións...

SEMANA DAS LETRAS GALEGAS

Na semana das Letras galegas puxemos en marcha diferentes actividades arredor da nosa lingua e da figura de Manuel María.
Levamos a cabo o "II Concurso Literario Letras Galegas" e o venres 20, celebramos o acto de entrega de premios aos traballos elexidos.
Tamén fixemos unha representación de títeres sobre a obra de Manuel María "O bigote de Mimí".

Photocall Manuel María

Este ano decidimos organizar un photocall  arredor da figura de Manuel María. Puxemos un fondo bonito e as persoas tíñanse que poñer diante sostendo un bocadillo cun lema relacionado co autor homenaxeado... aínda que tamén os tivemos sen relación ninguna con el.
Á espera de procesar as fotos "con persoas", deixamos aquí as fotos sen persoas, isto é, a dos bocadillos, para ir abrindo boca...

DÍA DA ÁRBORE

Dende o EDNL en colaboración co Departamento de Ciencias Naturais vimos de celebrar o Día da Árbore plantando dez árbores e arbustos (un por grupo de primaria) co seu correspondente poste identificativo no que indicamos o nome científico e en galego. As especies plantadas foron: ameneiro, sabugueiro, sanguiño, uz, xesta, rascacús, pereira brava, acivro, fenta e buxo. Todos elas especies autóctonas.
A actividade vén a completar a iniciada o curso pasado cando se plantaron catro árbores e se identificaron vinteún.
Temos idea de continuar en cursos vindeiros con esta actividade, pois parécenos do máis interesante coñecer as árbores do noso centro e do noso país.

DÍA DA ÁRBORE 1º-3º

PERSONAXES INFANTÍS DE CONTOS. 18-22 ABRIL